JOB DESCRIPTION

E ngā mana, e ngā reo, ko Te Papa Tongarewa te pā e tūwatawata mai ana ngā taonga o te Motu ki Te Ūpoko-o-Te-Ika. Papaki mai ana ngā tai o Te Whanganui-a-Tara, ko Pukeahu, ko Matairangi ngā taumata korero. Ka tangi te Keo ki ngā mate o ngā hau e whā, moe mai rā te iwi nui kei te pō. Nau mai rā te hunga ora. Tēnei Te Papa Tongarewa e kimi ana, e rapu ana i tētahi pouako kia whanake te kura, kia whai wāhi ai ā tātou tamariki ki ngā taonga o te motu.
He waka akoranga | Empowering life-long learning
Kei te kimi a Te Papa i tētahi Kaiāwhina Mātanga Ako Kaupapa Māori kia mahi i runga i te Kirimana Wā Kati tae atu ki te Pipiri o 2026. Ka whai wāhi tēnei tūranga ki te whakaratonga atu o ō mātau hōtaka ako mō ngā ākonga kei ngā taiao arareo Ingarihi, arareo Māori hoki.
Ka noho koe ki tētahi kapa mahi tahi e whai kawenga ana ki te whakarato atu i ngā hōtaka arareo Māori, arareo Ingarihi hoki.
Ka whakawhiwhia atu te whakangungutanga mō te whakarato i te hōtaka me te mahi tahi ki te hunga rangatahi.
MŌU:
E manawanui ana koe ki te ako, ki te mahi hoki ki ngā rangatahi kia tino whai painga ki ngā whakahaere me ngā hapori e mahi ana koe. He auaha koe, he whakaihiihi, he māia hoki ki te mahi tahi ki ngā ākonga.

Ka whai koe i:

• te hiahia ki te ako,
• te manawanui ki te mahi tahi ki te hunga rangatahi
• te ngākaunui ki tō tātau whare taonga

Me mātatau ki Te Reo Māori me ngā tikanga Māori ka tika.
Ko te tūranga nei, he kirimana ukiuki mō te 40 hāora i te wiki tae atu ki te 5 o Pipiri 2026 hei āwhina i a Te Papa ki te whakarato atu i āna hōtaka ako, ki te tuku painga ki ā mātau kaimātakitaki mai. Ka tautokona koe e te tuakana. He tino wheako pai tēnei mō te tau kotahi, hei tūranga whakakapi rānei.
Mehemea ko koe tēnei, kua hiahia katoa mātau ki te rongo kōrero i a koe.
Ko te utu tīmata mō tēnei tūranga ka tau ki waenga i te $54,624 ki te $64,865. Ko te utu ka whakatakotoria atu ka tau ki waenga i tēnei taupae hei whakaatu i ngā pūkenga me ngā wheako o te kaitono me ngā pākanga rōwhare.
Kei te manawanui a Te Papa ki te tiakitanga me te hauora o ngā tamariki. Ko tētahi wāhanga o tēnei tūranga, ko te mahi tahi ki ngā tamariki, nō reira ka hiahia mātau kia mātaitia ngā kaitono ka eke e ngā Pirihimana hei wāhanga nō te tukanga whakawhiwhi mahi, arā kia āta whkaarite kei te whakawhiwhi atu mātau i te taiao haumaru mā ngā tamariki. Ka whai tēnei herenga i te Ture Tamariki 2014.
Me mātua āhei ngā kaitono ki te whai mahi i Aotearoa. I mua i te whakamanatanga o te whakawhiwhinga mahi e Te Papa, ka whāia ngā mātaitanga tōmua mahi tae atu ki te mātaitanga Pirihimana me te kōrero hoki ki ngā kaiwawao, mōkitokito nei.
English Text:
Te Papa is seeking a Learning Specialist Assistant Kaupapa Māori on a Fixed Term Contract through to June 2026. This role will contribute to the delivery of our learning programmes for ākonga in English medium and Māori Medium contexts.
You will be part of a collaborative team responsible for the delivery of Māori Medium and English Medium programmes.
Training of programme delivery and working with young people will be provided.

Please refer the Job description for details