Ledig fast stilling som politibetjent ved Setesdal politistasjonsdistrikt

at  Politiet

LEDIG FAST STILLING SOM POLITIBETJENT VED SETESDAL POLITISTASJONSDISTRIKT MIDTRE - SETESDAL PSD, AGDER POLITIDISTRIKT

Setesdal politistasjonsdistrikt har ledig ei fast stilling ved Valle og Bykle politistasjon. Det vil bli eitt eller fleire vikariat som politibetjent fordelt på Bygland, Evje og Hornnes politistasjon og ved Valle og Bykle politistasjon.
Som politi i Setesdal førebyggjer vi kriminalitet, vi utfører etterforsking og vi køyrer patrulje. Politiarbeid på staden er ein sentral arbeidsmetode som bind saman politioperativt arbeid med etterforsking. Tenesta er variert, og vi ønskjer deg som interesserer deg for fleire fagfelt i politiet.
I Setesdal blir ein stor del av beredskapen dekt med beredskapsvakt. Det er vaktsamarbeid mellom dei to politistasjonane i Setesdal, slik at vaktområdet er stort. Beredskapsvakt inneber at ein på kveld og natt i stor grad vil ha vakt og rykke ut til oppdrag frå eigen bustad. Difor er det også krav om å opphalde seg i distriktet når ein har beredskapsvakt. For enkelte kan beredskapsvakt opplevast spesielt, og det medfører også eit stort ansvar når Operasjonssentralen ringer og treng ei patrulje i dei indre bygdene. Avstand til andre patruljer utfordrar deg til å gjere gode vurderingar og finne den beste oppdragsløysinga.
Vi trur at du vil trivast med å vere politi i bygdene våre, at du er tett på, og at du ønskjer å vere tilgjengeleg for innbyggjarane. I politistasjonsdistriktet vårt er vi heldige og har til tider mange tilreisande, med store hytteområde og destinasjonar som Hovden, Brokke og Evje/Flatebygd. Mange bruker fritidsbustadane sine flittig, og er mykje ute i den vakre naturen som blir brukt til mange aktivitetar. I dei travlaste periodane vil innbyggjartalet mangedoble seg. Eit døme på dette er Hovden, der folketalet i kommunen kan auke frå 1 000 innbyggjarar til nærare 20 000 i høgsesongen.
Som medarbeidar i Setesdal Politistasjonsdistrikt er vi opptatt av å tilby deg eit godt arbeidsmiljø med gode kollegaer.
Kvinner oppmodast til å søke.

Please refer the Job description for details